#AraratChallenge նախագիծն արտացոլում է «Ավրորա» մարդասիրական շարժման ազդեցությունը Հայաստանում և աշխարհասփյուռ հայ համայնքներում՝ հիմնվելով «Երախտագիտությունն՝ ի գործ» գաղափարի վրա:

2020 թ. նոյեմբերի 18-ից «Ավրորան», #AraratChallenge նախագծի միջոցով, ուղիղ օգնություն է ցուցաբերում պատերազմից տուժած արցախցիներին: #AraratChallenge նախաձեռնությունը գործընկեր կազմակերպությունների հետ ֆինանսապես աջակցում է այն ծրագրերին, որոնք ուղղված են տեղահանված մարդկանց առաջին անհրաժեշտության իրերի ապահովմանը և Արցախում քաղաքացիական ենթակառուցվածքների վերականգնմանը, ինչպես նաև՝  կապ ապահովում կամավորների և նրանց կարիքն ունեցող կազմակերպությունների միջև:

Արցախցիներին աջակցելու ծրագրերի հայտերը խնդրում ենք ուղարկել [email protected] էլ. փոստին։

«Ավրորայի» թիմը մեծ նվիրումով աջակցում է մարդասիրական համայնքի ջանքերին՝ հաղթահարելու հումանիտար հիմնական մարտահրավերները և ևս մեկ հնարավորություն տալու դժվարին դրության մեջ գտնվողներին: